HIZKUNTZA-NORMALIZAZIOA - EUSKALTEGIA

Erandioko Udal Euskaltegia bertoko udalak 1985ean erandioztarrak euskaldundu eta alfabetatzeko abiarazitako zerbitzua da eta helduak euskara ikasteko gunea da. Jomuga hau iristeko asmoz sei irakaslek eta administrari batek jarduten dute eta Altzagan zein Astrabuduan lokalak ditu eskolak emateko.

Udal Euskaltegian metodologia sendoa erabiltzen dugu, beti ere, gure jardunaren kalitatea hobetzeari begira. Metodologia honen funtsezko ezaugarriak honako hauek dira:

• Pertsonalizatua: bide ematen du ikasle bakoitzaren jarraipena egiteko eta hari arreta jartzeko, eta ikasleak aurrera egin duen edo zailtasunak dituen ikus daiteke uneoro.
• Irekia eta malgua: aukera ematen du programak egokitzeko taldeen eta gizabanakoen beharretara eta gaitasunetara.

Hauek dira ikasketa motak:

• Urte osoko ikastaroa: eskolak astelehenetik ostiralera izaten dira, goizean, arratsaldean eta gauean. Hainbat erritmo eta modulu daude: ordu eta erdi, bi ordu, eta abar.
• Ikastaro trinkoak: horiek ere astelehenetik ostiralera, baina egunean lau edo bost ordukoa.
• Ikastaro bereziak: euskarara hurbiltzeko eta hura zabaltzeko, edozein eratako egitarauak antolatzeko aukera dago; enpresentzat, erakundeentzat, ikastetxeentzat, merkatarientzat edo edozein talderentzat.
• Udako ikastaroak: uztailean eta irailean izaten diren ikastaroak.
• Hizkuntza eskakizunak: Administrazio Orokorreko (HAEE) lau hizkuntza eskakizun eta irakaskuntzako (IRALE) bi hizkuntza eskakizun, lanpostuetan eskatzen den hizkuntzaren ezagutza ebaluatzen duten etsaminak prestatzeko.

Joxe Legarreta, Zuzendaria.
Mari Jose Arteach telefonoan. Posta elektronikoa: erandio.eusk@euskalnet.net