2009EKO AURREKONTUA- MEMORIA

Ezarritako oinarrizko ardatzak ekonomikoki islatuta agertzen dira 2009ko Erandioko Udal Aurrekontu Orokorrean. Azpiegiturak modernizatzeak, herriko auzoen arteko orekak eta ekonomiaren hazkundeak herritarren bizi-kalitatea hobetzea ekarriko dute eta horiek dira gure aurrekontuaren ardatz nagusi bai eta gure agintearen ekintza publikoa ere.

Finantza arloko zalantza, asaldura, ziurgabetasun eta atzeraldiko testuinguru orokor honetan kokatuta, esan dezakegu Erandioko Udalaren egoera ekonomikoa normala dela, izan ere, sarrera arruntak gastu arruntak baino handiagoak dira eta soberakina inbertsio gastuak finantzatzeko erabili daiteke. Dena den, antzeman dugu aurrezteko gaitasun gero eta urriagoa, bai eta gastuaren hazkunde kezkagarria ere.
Erabil daitezkeen baliabideen bilketa aldizkoari esker, gastuei sasoiz erantzuten ahal zaie eta urtean zehar noizbehinka baino ez dira Diruzaintzan tentsioak gertatuko, gertatzekotan ere.

Arlo bakoitzeko arduradunen proposamenetan bildutako informaziotik abiatu eta osatu dugu 2009ko ekitaldirako aurrekontu proiektua, Udal Agintaritzaren helburuak lortzeko tresna baliagarria delakoan. Lortu asmo ditugun helburuak lortzeko bidezkotzat jotzen diren baliabideak izendatu ditugu, zuhurtasunez egindako AURREIKUSPENetik abiatuta.


Gastuaren izaera ekonomikoaren arabera antolatu ditugu proposamenak, inbertsio jarduera eta gastu arrunta bereizita, eta proposamen egileek Ogasun Arloko Informazio Batzordeko kideekin izan dituzten bileren ondoren, lehentasunezkoak aukeratu dira, gizarte premiatasunaren arabera eta aurreikusitako sarreren muga aintzat hartuta.

Arestian adierazi bezala, aurrekontu honen helburuak dira: alde batetik, gure azpiegiturak modernizatzea, eta horretarako 12 milioi euro aurreikusi dugu. Kopuru horretan sartzen dira errepide eta urbanizazio obretarako aurreikusitako zenbatekoak. Aurrekontu hau pertsonei eta pertsonen beharrei begira egin dugu.


Bestetik, auzoen arteko oreka. Arlo horretan, pertsonen mugikortasuna errazteko neurriak hartuko ditu Udalak eta 271.000 euro aurreikusi ditu herritarrek, teorian behintzat, behin baino gehiagotan eskatu duten garraio publikoaren zerbitzua eskaintzeko.

1.1 SARRERAK

KAPITULUA	DESKRIBAPENA	GUZTIRAKOAK 2008	GUZTIRAKOAK 2009	ALDAKETA %
Eragiketa Arruntak
1	ZERGA ZUZENAK	5.755.000	6.650.000	16%
2	ZEHARKAKO ZERGAK	1.700.000	850.000	-50%
3	TASAK ETA BESTE DIRU-SARRERA BATZUK	4.958.925	5.069.002	2%
4	TRANSFERENTZIA ARRUNTAK	17.662.588	17.263.622	-2%
5	ONDARE-SARRERAK	332.201	635.000	91%
ERAGIKETA ARRUNTAK GUZTIRA		30.408.714	30.450.624	0%
Kapital Eragiketak
6	INBERTSIO ERREALEN BESTERENTZEA	8.280.000	2.050.000	-75%
7	KAPITAL TRANSFERENTZIAK	5.432.000	2.595.000	-52%
8	FINANTZA-AKTIBOAK	12.000	6.000	-50%
9	FINANTZA-PASIBOAK	6.769.286	6.540.000	-3%
KAPITAL ERAGIKETAK GUZTIRA		20.493.286	11.191.000	-45%
OROKORREAN GUZTIRA		50.902.000	41.641.624	-18%

1.2 GASTUAK

KAPITULUA	DESKRIBAPENA	GUZTIRAKOAK 2008	GUZTIRAKOAK 2009	ALDAKETA %
Eragiketa Arruntak
1	PERTSONAL GASTUAK	11.805.273	12.656.848	7%
2	GASTUAK ONDASUN ARRUNT ETA ZERBITZUETAN	14.237.864	15.061.395	6%
3	FINANTZA GASTUAK	117.300	121.500	4%
4	TRANSFERENTZIA ARRUNTAK	1.604.000	1.491.300	-7%
ERAGIKETA ARRUNTAK GUZTIRA		27.764.437	29.331.043	6%
Kapital Eragiketak
6	INBERTSIO ERREALAK	22.991.000	12.160.581	-47%
7	KAPITAL TRANSFERENTZIAK	0	0
8	FINANTZA-AKTIBOAK	25.000	15.000	-40%
9	FINANTZA-PASIBOAK	121.563	135.000	11%
KAPITAL ERAGIKETAK GUZTIRA		23.137.563	12.310.581	-47%
OROKORREAN GUZTIRA		50.902.000	41.641.624	-18%

Ematen dituen zerbitzuen maila hobetzea, zerbitzu horien kalitate maila areagotzea eta, ondorioz, zerbitzuen eskaera handitzea da Udalaren nahia. Hobetu nahi horrek eragin du, batez ere, gastu arruntak jasotzen dituen 2. kapituluaren igoera.

Erandio ez dago zorpetuta, zor oso txikia dauka eta, beraz, zorpetzeko aukera handiagoa dauka. Hori esanda, gobernu talde hau muga batzuen barruan zorpetu daiteke, betiere inbertsiotarako erabiltzekotan.

Inbertsio errealak jasotzen dituen 6. kapituluaren zenbatekoa gastu guztiaren %29a da.

Amaitzeko, aurrezki garbiko ratioari buruzko hausnarketa sakona egin beharra azpimarratuko nuke. Izan ere, sarrerak jasotzen dituzten 1, 2, 3, 4 eta 5. kapituluen eta gastuak jasotzen dituzten 1, 2, 3, 4 eta 9. kapituluen arteko zatidura 984.581 eurokoa da eta zenbateko hori ez da nahikoa aurreproiektuak jasotzen duen guztizko inbertsioari aurre egiteko.