BERRIAK

Mila eta zortziehun herritar inguruk daukate erabilgarri Erandiogoikoko gizarte- eta asistentzia-zentro berrian kokatutako mediku kontsulta. Eraikinaren gainerako zerbitzuetatik aparteko sarrera dauka mediku zentroak eta 125 metro koadroko azalera honela banatuta: medikuntza orokorreko gela, erizaintza, sendatze eta larrialdietako gela, komunak, jendeari arreta egiteko mahaia, biltegia eta itxarongela handia. Bertako osasun eta administrazio arloko langileentzat zein bertara doazen herritarrentzat ere, hobekuntza nabarmena eta azpimarratzekoa da lokalak duen zabaltasuna eta argitasuna.